Nang magsabwatan ang Sandaigdigan

Sabi  ni Paulo Coelho sa kanyang librong “The Alchemist,” kapag gusto raw natin ang isang bagay, nagsasabwatan daw ang buong sandaigdigan para mangyari ang ating inaasam. Kaya noon di’y inasam kong sana tayo na lang. Naghintay ako. Umasa. Saka ko na lang napagtanto na siguro noong panahong  inasam ko iyon, nag-away ang sandaigdigan. Nagkatampuhan. Hindi nagkaintindihan. Kaya naging ganito ang ating kapalaran: napunta ka sa kanya at ako’y napunta sa iba. Tinadhana nga tayo, pero hindi sa isa’t isa.

  1. TALA

Siguro nga ang pag-ibig ay tulad ng mga bituin. Na kahit anong tagal mong nagbigay ningning, kailangan mong magsakripisyo sa huli. Umalis. Maglaho. Mamatay. Para sa iyong pagbabalik, isang panibagong tala ang mabubuhay. Mas maningning. Mas matapang. Hindi na matatakot sumubok at masaktan kahit walang kasiguraduhan.

  1. PLANETA

Walong planeta. Naisip ko dati, bakit sa dinami-dami ng planeta sa solar system, tanging sa mundo lang pwedeng manirahan ang tao. Ngayon, napagtanto kong ang mga planeta’y katulad natin. Dahil sa dinami-dami ng tao sa mundo, mas pinili kong ikaw ang aking maging mundo.

  1. BUWAN

Malungkot ang gabi kapag walang buwan. Walang nagbibigay ng liwanag. Pero siguro malungkot din ang buwan kapag sya’y nasa kalangitan na. Dahil sa tuwing tumitingin sya paibaba, naisip nya na sana may pagkakataong makasama ka rin nya – nakakulong sa mga bisig mo sa gabing kapiling mo ay iba.

  1. KOMETA

Nakakita ako ng kometa kagabi. Mabilis. Sa kisap-mata’y  hindi mo na mapapansin. Totoong may mga bagay sa mundo na minsan lang natin makita  ang kariktan — tulad mo. Isang kometa. Mabilis dumating. Mabilis ding nawala. Hindi man lang ako nabigyan ng pagkakataong hangaan ka.

  1. BULALAKAW

Umulan ng bulalakaw kagabi. Hinintay ko ang kanilang pagdating.  At sa dami ng pwede kong hilingin, ang maging maligaya ka sa piling nya ang tangi ko lang nasambit.

  1. ASTEROID

Noong pinaghandaan kong tamaan ka, pinaghandaan mo ring iwasan ako. Dahil ang sabi mo pagtumama ako sayo , pagkawasak ang idudulot nito sayo. Hindi mo man lang napagtanto, malay mo sa pagtama ko sayo, magising ka sa reyalidad na may iba pang higit na nagmamahal sayo.

  1. ARAW

Siguro nga ikaw ang araw at ako ang mundo. Dahil ako’y patuloy na umiikot sayo. Na kahit hindi man ako makalapit sayo, ikaw pa rin ang tanging dahilan kung bakit nagkakaroon ng liwanag ang buhay ko.

  1. ULAP

Tulad ng isang ulap, ako’y malaya. Dahan-dahang naglalakbay sa payapang kalangitan. Hanggang makita kita. Oo, magka-uri tayong dalwa. At sa pagkakataong ito’y hahabulin kita. Sabay tayong magsasaya sa init ng araw at makikidalamhati sa pagsapit ng ulan. At sa gabi, ika’y patuloy kong hahabulin, kahit iba naman ang gusto mong makasama at habulin.

  1. BLACK HOLE

Pinili kong ipahigop sa butas ng kawalan ang lahat ng nararamdaman ko sayo. Lahat ng sakit, pait at sugat noong pinili mong iwan ako. At siguro sa huli, kahit anong alaala mo’y akin nang makakalimutan. Dahil magmula ng ako’y iyong iniwan, puso ko’y nabalot na sa dilim ng kawalan.

  1. DUST

Pinilit kong maging sapat sayo. Pero iba pala talaga ang kailangan mo. Ang sapat pala sa paningin mo ay ang pagbasura sa pag-ibig ko. Mula noo’y nagpalutang-lutang ako. Malaya. Hindi alam kung saan patungo. Saka ko napagtantong masarap palang lumaya sa piling mo.

###

 

***Ito ay opisyal na lahok sa Saranggola Blog Awards 8 para sa kategoryang Hugot.

Saranggola 336x280

Mga Sponsor:

771fb-2dmciinquirerdevicephilippines3fb93-2dp lion

Advertisements

2 thoughts on “Nang magsabwatan ang Sandaigdigan

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s